بلوچستانءاستمانءگل

ھالکار جاہ

بلوچ اُستمان گَلءِ گپّ کنَوکِءِ گزارش ءُ هال ماں مرکزی شورای پلنومءَ ماں اکتوبر 2010

اے اول رَنداِنت کہ بلوچ راج، ماں بین المللی ءُ انترنیشنل پَتهرجاگه ءُ گِندءُننداں، بہ حیث یک بلوچ سیاسی پارٹی ءُ گَلےءِ جدءُجُهدا بهرمند بئیگ اِنت.

بلوچ اُستمان گَلءِ گپّ کنَوکِءِ گزارش ءُ هال ماں مرکزی شورای پلنومءَ ماں اکتوبر 2010
4.11.2010
بلوچستان اُستمان گَل، گوں اے دگہ انسانی حقوقءِ جُهدکاراں ءُ سیاسی جُهدکاراں ءُ بلوچی زانتکاراں، ءُ گوں گَل ءُ گروپاں همرائیءَ چہ ایدگہ قوماں، کہ ایرانءِ ظلم ءُ زوراکی چیرا اَنت، توانتگی، بلوچ راجءِ ملی حقوقءِ پادمال کنئگءِ گپ ءُ مسائلا، گوں وتی مدامیءُ سیستماتیک کارءُ جدءُجُهدا، ایرانءِ حکومتءِ راسیستی ءُ قوم پرستین کردارا، ماں بلوچستان هد ءُ دَمگا روا دارئیت، دگنیای (دنیا) عام مهلوک گوشا بِرسئنیت، ءُ اے باروا، نیم بندیے آگاهی ءُ زانتے پیداگ بہ کنت.

نئشنل- قومی- ملّی مسئله، ماں ایرانا رند چہ مستبدین ءُ زوراکین حکومتانی اڈ ءُ برجا بئیگءَ، ماں گوستگیں سدی سالاں، ءُ گوں رضاشاهءِ حکومتءِ اڈ بئیگءَ، گوں یکدست ءُ یکدابیں سیاستےءِ کہ پہ "پارسی راج"ءِ ملی- قومی پجارا، ءُ شیعه مذهبءِ مضبوطه ءُ نیاما قانون برکرار دارگءِ نیت، یکے چہ بنیادی مشکلاں بوتگ، کہ حکومتانی همراه نکنوکین راج، گوں آئی گرپتار بوتگ اَنت.
هنچوش کہ ماں سازمان ملل (اقوام متحده) گزارشءَ پہ روشنی گُشگ بوتگ، کہ سہ هدءُدَمگ، اهواز، بلوچستان ءُ کردستانءَ سلاهبندی ءُ سیاسی جدءُجُهد بئیگ اِنت.

ماں بلوچستانءَ سلاهبندیں جدءُجُهد گیشتراِنت ءُ همئشا آئی ضررءُ نُکساں پہ دوئیں نیمگا زیادترءُ نُکسبارتراَنت.
بلوچ مهلوکا چہ هما اولی روچاں، کہ بلوچستان گوں پهلوی حکومتءِ زبردستیءَ ایرانءِ یک بهرءُ چُنڈیےنامءَ هور کنئگ بوتگ، بلوچ راجءَ چہ هما روچی وتی جدءُجُهد بنگیج کُتئگ.

اے جدءُجُهد کہ مُدام سلاهبندین بوتگ اَنت، ءُ بلے چہ یک تاکتوّریں سیاسی رهشون ءُ رهنماےءَ بی نسیب بوتگ آنت.
گوں سیاسی پابندئیے کہ ماں ایرانءَ برجا بوتگ ءُ برجا اِنت ، بلوچ راجءِ مقاومت ءُ جدءُجُهدءِ زرمبش، گوں مزنین مُچهیے دیم پہ پنهانی ءُ چیرکانی جُهدءِ نیمگا کشئگ بوتگ اَنت.

اے اول رَنداِنت کہ بلوچ راج، ماں بین المللی ءُ انترنیشنل پَتهرجاگه ءُ گِندءُننداں، بہ حیث یک بلوچ سیاسی پارٹی ءُ گَلےءِ جدءُجُهدا بهرمند بئیگ اِنت.
بلوچستان اُستمان گَل، گوں اے دگہ سیاسی پارٹی ءُ تنظیماں همرائیءَ هور، ءُ گوں احترام زانئگ، پہ اے دگہ بازیں ءُ ذمه واریں پارٹیاں، گوں یک سالم بی مرائیں ءُ دمکراتئں رقابتیءَ، بہ حیث یک سیاسی پارٹیے ملی- دمکراتیک ءُ قومی پجا آرتگیں ءُ فراگیر، گوں اے دگہ گَل ءُ پارٹی آنی همرائیءَ، اے هالیکیں جائے پُر کَنگءِ قصتا داریت.

بلوچستان اُستمان گَلءَ چہ وتی اڈ بُوهگءِ (بئیگ) بُنگیّجا، یکے چہ وتی ذمه واریاں پہ اے بنیان سرا اِشتگ، کہ بلوچستان مردمان ءُ مهلوکءِ حق حقوقءِ گپءُ ترانا ماں جهانی ارگانئزیشنان گوّرا ءُ پَتهرا زاهر بہ کنت.

گوں اے ناچیزیں ءُ کموکِیں وسیله آنی، ءُ زر ءُ مالی نِزوریئے کہ بلوچستان اُستمان گَل دیم پہ دیم بوتگ، بلے وتی کارئی وش دیمءَ بُرتگ.

بلوچستان اُستمان گَلءَ گوں اے دگہ انسانی حقوقءِ، ءُ سیاسی جهدکاراںءُ بلوچ اندیشمندان، ءُ اے دگہ ظلم کشّتگیں راج ءُ قومانی پارٹی ءُ تنظیماںی همرائیءَ هور، ءُ گوں مُدامی کارءُ کُششتءَ توفیق بوتگ ءُ توانتگی، پہ بلوچانی حقءُحقوقءِ پادمال کنئگ،ءُ ایران حکومتءِ نابرابری ءُ قوم پرستین رپتارا ماں جهانءِ چمءُدیمءَ، یک اندازگے سوج ءُ سرپدیے اڈ بہ کئنت.
اے جدءُجُهد سبب بوتنت، کہ اقوام ملل متحده، ایرانءِ حکومتءِ نئشنل قوم پرستیںءُ تبعیض داریں مسئلهءَ، ایران حکومت هوژاری بہ دات، ءُ چہ آیان (ایران حکومتءَ) لوٹتے، کہ آ وتی کردارا بَدل بہ کننت.
ادا چہ آ دگہ بلوچی سیاسیءُ اَدبی جدءُجُهدکاراں ءُ پارٹی آن، کہ گوں وتی جدءُجُهد ءُ کوششت ءُ کاراں، ایرانءِ حکومتءِ نئشنل قومپرستیں سیاستانی باروا ماں بلوچستانءَ، دنیای مهلوکہ سرپدءُمالوم کَنائنتگ، چہ آیاں اِدا منتواری ءُ مهربانی بہ کئنت.

پرچی کہ، اے پَهکیں جدءُجُهد ءُ سیاسی کاراں سبب بوتنت، کہ بلوچستانءِ جاری هالاتاں، ماں بین المللی ءُ جهانی انترنئشنل جاگهاں کم باز پجارے اڈ بہ کئنت.

بلوچستانءِ سلاهبندیں سلحشور جدءُجُهدکاراں، کہ گوں وتی جانثاریءُ قربانی کنگا، ظالمین حکومتءِ سیستم دیما اُشتاتگنت، آیانی اے زرمبش ءُ آشوبا، پہ ایرانءِ حکومتءِ ظلم ءُ زوراکیں سیاستاں پاشک کنگا، بی شک یک مزنین تاثیرءُ بهرے بُتگ.

آ مردمانی کہ گوں وتی همت ءُ اِرکت ءُ ڈڈیں شخصیتءَ، پہ بلوچ مهلوکءِ حقءُ حقوق گِرهگءُ دیمپانیءَ جدءُجُهدش کُتگ، ءُ ماں اے راهءَ لٹ کٹ، زندان ءُ دراںڈیهی اِش سرا آتکگ، ءُ بازینے هں وتی جان داتگ ءُ اعدام یا پائو دئیگ بوتگنت، ءُ اے دابا آیاں ماں اے رهبندا مزنین قیمتے داتگ، ءُ بلوچ راجءِ مظلومیت ءُ ایرانءِ حکومتءِ ظالمی ءُ نئشنل قومپرستیں سیاستءِ عکسءُ تصویرءِ اے دابا، پہ دنیای مردمان چم زاهرءَ آرتگنت.

بلوچستانءِ آزادی ءُ آجوئی ءُ برابریءِ راهئے کُلین شهیدانی یات ءُ هیال گرامی بات.
چہ سال 2004 داں مروچی سال 2010ءَ بلوچستان اُستمان گَلءَ توانتگ، گوں بهر زورهگ ماں کنفرانس، سمینارءُ سمپوزیوماں، ماں اروپایی مُلکان، هنچو کہ سوئد، دانمارک، فرانس، آلمان (جرمن) آمریکا، ایتالیا، انگلستان ءُ کانادا پارلیمنت (پارلمان مجلس) ءُ اروپای پارلیمنتءَ، همے دابا ماں ایرانی ءُ اروپایی پارٹی ءُ سیاسی تنظیمان مچُهیاں، بلوچستانءِ مسئلهءَ زاهر بکنت ءُ دیما بیاریت.
بلوچستان اُستمان گَل یکے چہ "کنگره ملیتهای ایران فدرال"ءِ اڈ ءُ بنیان کنوکاں ءُ جُهدکاریں مَمبران اِنت.
"کنگره ملیتهای ایران فدرال" یک سیاسی تنظیمے، کہ چہ ضرورت ءُ همراداری سرا، چہ ستم کشتگیں ایرانءِ راجانی نیمگا اڈ بوتگ، رَند چہ گونڈین مدتے، اے ارگانیزیشن مروچی، هنچو یک انسجام ءُ تاکتوریں سیاسی جبههءُ فُرنٹے، پہ مظلومین ءُ ستم کشتگیں ایرانءِ قوم ءُ راجاں عمل کنگ اِنت.
"کنگره ملیتهای ایران فدرال" توکا مَمبر، گل ءُ پارٹی چہ ایرانءِ بازیں راج ءُ قوماں هوراَنت، ءُ آیاں پہ یک سکولارءُ دمکراتیک فدرال جمهوری ئیے هاترا، کہ بنیادی گوں عدالت ءُ راجانی حقءُحقوقءِ برابری ببیت، جدءُجُهد کنئگ اَنت.

کنگره ئے(کنگره ملیتهای ایران فدرال) انترنئشنل کُمیتے (کمیته بین المللی کنگره) گوں مُلاکات ءُ گندءُنندانی، کہ ماں بازیں مُلکاں آسر بوتگ اَنت، سبب بوت کہ مسئله ملیءُ راجی، ءُ راجانی انسانی حقوقءِ پادمال بیئگءِ، هبر چہ ایرانءِ هکومتءِ قدرتءِ چیرا، چم شانک دیئگ ببیت

اے کوششت ءُ جدءُجُهداں سبب بوتنت، کہ سازمان ملل متحد (اقوام ملل متحده) ماں ایرانءِ سیاستانی پهت ءُ پئول کنئگ وهدا، ایرانءِ مظلوم ءُ ستم کشتگیں راجانی مسائلان باروا، دلگوشی ءُ دئاں بہ دات.
اقوام ملل متحده ئے، هں انسانی حقوقءِ کمیسیون ءُ هں قومپرستی ءُ ضد تبعیضءِ کمیسیون، ماں آدینگ روچ بتاریخ 27.8.2010 چہ ایرانءِ حکومتءَ لوٹتے کہ، اقلیت قومانی، چو کہ بلوچ ءُ عرب ءُ کُرد مهلوکانی حقوقا دیمپاںءُ برجاداری ءُ حق ءُ الکاپ بہ کنت.

اقوام ملل متحده ئے اے لوٹ ءُ درخواست چہ ایرانءِ قوم پرست ءُ تبعیض واریں نظاما، کہ ایرانءِ اقلیت قومانی حقءُحقوق، آیانی سیاسی حالات، ءُ آیانی مهلوکانی جمعیت کم ءُ بازی ءُ اندازگا، پَد جنئگءِ لوٹ، پہ ایرانءِ سیاسی دیم رّوگیءِ رهبندا یک مزنین اهمیتے اڈ کُت.

اے قطعنامه (اقوام متحده نبشتگیں ءُ مکتوب جارءُ لوٹاں) یا "رئزولاسیون" پہ آیان کہ پہ انسانی ءُ اقلیت قومانی حقوقءَ جدءُجُهدش کتئگ، ءُ همے دابا پہ "کنگره ملیتهای ایران فدرال"ءَ، کہ گوں وتی کمیته خارجیءِ (ڈنی کمیتے) انترنئشنل گِندءُنند ءُ گپّ تراناں، ایرانءِ اقلیت قومانی، مشکل ءُ مسئله پاشّک کُتگ اَنت، یک مزنین سّوبءُ کٹے.

اے دست مُچ ءُ هورکاری سبب بوت، کہ ایرانءِ "یک راج ءُ ملّت"ئےءِ پجارءِ سیاسی حیثتءِ عکس ءُ تصویرءِ پروشگ، ماں جهانی پَتهرجاگهاں (مجامع بین المللی) سوبدار بوتگ.
ادا ضروری اِنت کہ دوباره گُشئگ ببیت، آ دگہ گَل ءُ گروپءُ پارٹیءُ شخصیتان هں، گوں وتی جدءُجُهداں یک مزنین بهری بوتگ، ماں دنیای چمءُ دیما ای گپءُعکس ءُ تصویرءِ زاهر کنگا، کہ ایران یک مُلکے، کہ اودا بازیں قوم ءُ ملت زندگی کن اَنت، ءُ ایرانءِ حکومت یک "ذات پرست" ءُ شوونیستی حکومتے.

بلوچستان اُستمان گَلءَ پہ اے جدءُجُهدانی شَر بئیگءُ دیمرویءَ ماں جهانی سطحءُ پترا، چہ بہ حیث یک مِمبرءُ نمایندگے چہ کنگره ملیتهای ایران فدرال نیمگا، یا کہ چہ بہ حیث بلوچ راجءِ یک بهر ءُ چُنڈے ماں "راجاں بہ غیر نماینده" (یو پی اِن او) تها، یک چّکاس کارسازیں اثرے بُوتگے، حزب مردم بلوچستانا کوششت کُتگ، کہ ماں بین المللی جهانی کنفرانس، فورومءُ گندءُگُداراں، چم پُر کنوکین حصه زوّروکئے بہ بیت.

ماں بین المللی جهانی کنفرانس، فورومءُ گندءُگُداراں بهر ءُ حصه زوّرهگ سبب بوتگنت، بلوچانی مشکلات ءُ مسائلاں بہ حیث یک راجے، کہ ایرانا پہ آئی ظلمءُناحقی بئیگ اِنت پاشک کنئگ ءُ گُشئگ بہ بنت، اے کوششتانی ثمرءُ سّوت اِشئنت، کہ بلوچانی حق انسانیءِ پادمال کنگءِ گپّ، هں ماں بازیں مُلکان حکومتانی، ءُ آیانی انسانی حقوقءِ کارکنانی "حقوق بشری-انسانی" گزارشانی تها، بلوچ راجءِ حقءُحقوقءِ باروا گپّءُ نظر بہ بیت، همی دابا هں چہ ایرانءِ حکومتءَ لوٹگ بوتگ، کہ بلوچ مهلوکءِ حق حقوقءَ توجه بہ دات.

دائمی تلاش ءُ کوششت پہ ایرانءِ راجانی هالت ءُ باروا، ماں سال 2009ءِ آهری روچاں ءُ سال 21010ءِ اول شروعاتا، سوبیںءُ ثمرمند بوت، ءُ بلوچستان اُستمان گَلءَ گوں وتی جُهدا ماں "راج- قومی فوروم"ءَ بهر زورت.

ماں آ فوروم ءُ کنفرانسا بلوچستان اُستمان گَلءِ نماینده ءُ ذمه وار گپّ کنَوک، بانوک "منیره سلیمانی" بوتگ ءُ آئیے گپّ ءُ تقریراں، باز زَبردست توجه گِرهگ بوتنت.

اقوام متحدهءِ فورمءِ رئیسءُ چیرمینءَ واجه.... پہ "یو اِن پی او"ءَ اے دابا نبشتگ: "بلوچ بانوک، منیره سلیمانیءِ گپّءُ تقریر پکر کنئگ ءُ توجه دئیگءِ لاهِکنت".

ماں آ فورومءُ جلسهءَ واجه دکتر "دوشوکی" هں بہ حیث یک فرد مستقل بهری زورتگئت، ءُ آئی تقریرءُ گپّاں همے داب، پہ بلوچءِ مسئله ءُ مشکلان دیم زاهر کنئگ، پراهمیت بوتگنت.

ماں آ فورومءُ کنفرانسا بلوچستان اُستمان گَلءِ جدءُجهدءُ همکاری، گوں "یو ان پی او"ءَ، ءُ گوں همرائی "کمیته بین المللی کنگره ملیتها" پہ بررسی دوره ای (دوره ای پٹءُ پئول کنگ) جهانءُ ایرانءِ باروا، داں 16 فبروری 2010 کہ گپّءُ گزارش دئیگ آهری وهد اَت، همکارءُ هم کوپّگ بوتگ.
"بلوچستان اُستمان گَل"ءَ گوں وتی کم ءُ محدودین امکاناتان توانتگ، یک جوانین ءُ شَرین روابطے گوں بین اللمللی ارگانیزیشنان، ءُ همےداب هں گوں اروپایی گَلءُ پارٹیاں اڈ ءُ برجا بہ کنت.
بلوچستان اُستمان گَل، گوں وتی دائمیءُ محسوسین بهر زُورهگاں، ماں بین اللمللی حدءُ سطوحءُ پَتهرجاگهاں، سیاسی رسمیتءُ پجارے گپتئگ، ءُ نسبتاَ چم پُر کنکیں سّوب ئے هں بُرتگی.

همے دابا بلوچستان اُستمان گَل، بہ حیث یک هم کوپّگیںءُ قابل اعتمادیں راجی گَل ے، پہ برقراری ءُ بنگیجءُ هدایت کنگا، لهتے متینگءُ کنفرانسانی چو کہ، اروپایی پارلمانءُ "یو اِن پی او" ءُ "حزب رادیکال بدون خشونت" چہ ایتالیا (اٹلی)، پہ هاتر گپّءُتراں فی مابین ملیت ءُ راجانی سیاسی پارٹیاں، ءُ ایرانءِ اے دگہ سیاسی گَل ءُ پارٹیاں، یک اثردارین واکئے برجا کُتگ.

"کنگره ملیتهای ایران فدرال"ءِ، آپریل ماه سال 2009 متینگ ءُ کنفرانس ماں بروکسل ماں اتحادیه اروپائی پارلمانءَ، ءُ هں همےداب متینگ گوں سنای ایتالیا (اٹلی) ماں "رم"ءِ شهرا، پہ نام "جنبش دموکراسی ایران، توانایی و نارسائی ها" برجا ءُ دیما بَرهگ، یکے چہ آ نمونه آنی، همکاری ءُ هم کوپگی حزب مردم بلوچستانءِ، گوں "یو ان پی او"ءِ، ءُ "حزب رادیکال بدون خشونت ایتالیا" ءُ حزب مردم بلوچستانءِ بین المللی ثمرباریں جدءُجُهداَنت.

رابطه گِرهگ کوششت ءُ دیالوگ ءُ گپءُتراں، ماں مروچگیں هالتا، اِشیئے بیان کنّوک ءُ پیشداروک اِنت، کہ بلوچ راجءِ سیاسیءُ قابل اعتمادیں نمایندگ، گوں ایرانی اے دگہ سیاسی پارٹیءُ تنظیماں، همےدابا ماں بین المللی سطوحا، پہ بلوچ راجءِ ملّیءُ انسانی حقءُحقوقءِ باروا، عملی جدءُجُهدءَاَنت
بلوچستان اُستمان گَلءَ بہ سبب عضویت ءُ مِمبری بلوچستان ءُ بلوچ راج، ماں "سازمان ملتها و مردمان بدون نماینده، یو ان پی او" پائدگی زوّرتگ، ءُ پہ وَش ءُ سوبین دابے، انترنئشنلءُ بین المللی ارگانیزاسیوناں ءُ سازمان ملل، همےدابا اتحادیه اروپا، چہ آ ظلم ءُ زوّراکیءُ ناحقی اں، کہ ایرانءِ دین سالارین حکومت، پہ بلوچ مردمءُ مهلوک سرا جائز ءُ برکرار کَنئگ اِنت، پہ دنیای دیما پاشکءُ زاهر بہ کنت.

بلوچستان اُستمان گَل، گوں وتی جدءُجُهدا ماں"یو ان پی او"ءَ سبب بوتگ، کہ آئیءِ (بلوچستان اُستمان گَل) نماینده بہ حیث هیئت رئیسه (چیرپرسن) انتخاب ءُ گِچّین کنئگ ببیت، اے رهبندا حزب مردمءَ ماں مجمع عمومی (جنرل کونسل) ءُ هیئت رئیسهءِ "یو ان پی او"ءَ، کہ ما ں پارلمان ءُ سیاسی تصمیم گِری مرکزاں، هنچو کہ، تایوان ءُ ابخازی ءُ تاتارانی راجی پارلمانءَ ماں جزیره کریمه (کرامیا) ماں اوکراین مُلکا، اروپا پارلمان، انترنئشنل کورٹ (دادگاه بین المللی در شهر لاهه کشور هلند) ماں شهر "لاهه" ماں هلند مُلکا، ایتالیای مجلس سنا،ءُ اقوام متحده ے متینگ ءُ کنفرانساں کہ برجا بوتگنت، حاضر بوتگ ءُ بهری زوّرتگ.

ماں اے نشستءُ کنفرانساں گوں بین المللی گروپ ءُ نمایندگان چہ بازیں مُلکاں حزب مردم بلوچستانءِ نمایندگان کوششت کُتگ، کہ گوں آیاں تماس ءُ گندءُنند بہ کننت، ءُ چہ بلوچستانءِ مردمانی مشکلات ءُ انسانی حق حقوقءِ پادمالیءَ، ءُ راسیستی رپتارءُ دابا، کہ ایرانءِ حکومت، پہ بلوچ مهلوک سرا روا داریت، آ ظلم ءُ زوّراکیانی رواداریءَ پاشک ءُ پہ دنیای نمایندگان گوشا بہ رَسئینیت، ءُ چہ آیاں لوٹتگی، چہ بلوچستانءِ مردمانی زرمبشءِ جدءُجُهدا، کہ پہ وتی حق حقوق ءُ راجی حق حاکمیتءِ حاصل کَنگءِ هاترا جُنز کنگنت، پلامُرزی ءُ همراداری بہ کننت.

بلوچستان اُستمان گَلءِ تچ تاچ ءُ کوششت ءُ جدءُجُهدانی سّوتءُ ثمر، ماں اے گوستّگیں نزیِکں وهدا، مستریںءُ جوانتریں کار بهر زوّرهگ ماں کنفرانس "بررسی دوره ای جهانی شورای حقوق بشر سازمان ملل" ماں تاریخ 16 ماه فبروری سال 2010 ماں "ژنو" (جنیوا) شهرا بوتگ.

بلوچستان اُستمان گَل، گوں همکاریءُ همراداری "یو اِن پی او" ءُ سازمان بین الملل" اینترفیث" چہ ماه ستمبرسال 2009، بازیں نمایندگان ارگانیزیشنءُ گَل ءُ پارٹیاں چہ آسیایی، اروپاییءُ آمریکایی مُلکاں مُلاکات ءُ گندءُنند کُتگ.

ماں لهتے چہ اے مُلاکاتءُ گندءُنندان گوں "یو اِن پی او" همکاریءَ، ءُ همے داب گوں "جامعه خلقهای تحت خطر" (......) که آئیے مرکزجاه، ماں کشور سوئیسءُ آلمان (جرمنی) اِنت، دیدار بوتگنت.

هم زمان ءُ هم وهد گوں سازمان مللءِ کنفرانس ماں شهر ژنو (جنیوا)، "انترفیث"ءَ هں یک کنفرانسے پہ ایرانءِ باروا اڈ ءُ بنگیج کُتگت.

گوں حزب مردم بلوچستان جدءُجُهدءُ کوششتا، بلوچ مردمانی مسئلهءُ ایرانءِ حکومتءِ راسیستی رپتار گوں بلوچان، اولی باریگا پَهبےِ (اولی رَند در اصل) چہ اے دگہ مُلکانی نمایندگانی نیمگا، ایرانءِ حکومتءِ نمایندگے دیم پہ دیما، زاهرءُ پاشک کنئگ ءُ گُشئگ بوت.

بلوچ اُستمان گَلءِ بین اللمللی حضوریءُ خصوصاَ آیی جدءُجُهد پہ قومی مِنندجاگهی انسانی حقوقءِ پادمال کنگءِ باروا، ماں سازمان ملل (اقوام متحده) نیویورک شهرا، سال 2007ءَ کہ دو هپتگےمدتا کنفرانس برجاهت، بهر زوّرتگ.

همےداب، اقوام متحدهءِ قومی اقلیت فورم، کہ جنیوا (ژنو)ءِ شهرا، ماں ماه سپتامبر سال 2009 ءُ همے فورمءِ بررسیءُ پٹءُ پئول کنفرانس دوره ای جهانی رَندترا (چیزی وهد باد) ماں ماه فبروری 2010ءَ ایران باروا، ءُ اتحادیه اروپایءِ کمیته حقوق بشرءِ(یومن رائتس کمیتے) گندءُنِندا، ماں ماه اکتوبر سال 2010، بلوچ راجءِ مشکلات ءُ مسائلان زاهرکنئگ، ءُ اے باروا گپءُتران کنئگ، باز کارساز بوتگنت.

بلوچستان اُستمان گَل گوں وتی ماهانه ءُ موسُمی، حضوری گندءُنِنداں گوں انسانی حقوقءِ ءُ دمکراتیک ارگانیزیشناں، گوں مُلکانی مجالس نمایندگءُ مِمبران، ءُ هں گوں آیانی ڈنی سیاستءِ نمایندگان، گوں مدامءُ مدامی گُشئگءُ پاشّک کنئگاں، انسانی حقوق پادمال کَنئگءِ باروا، چہ ایرانءِ حکومتءِ نیمگا ماں بلوچستانا، انترنئشنل برادری پہ جائے رَسنتگئنت، کہ آیاں (انترنیشنل برادری، جامعه جهانی) بلوچ راجءِ ملی مسئلهءُ آیانی (بلوچانی) حقوقءِ باروا، آ (انترنیشنل برادری، جامعه جهانی) وتی حضوری گَندءُننداںی وهدا، بلوچ راجءِ مسئلهءَ هں بہ شکل حقوق بشری نمونهءَ، ایرانءِ حکومت گوَرّا زاهرءُ درشاںءُ پہ گپءَ بیارآَنت.

هنوں، بلوچستان اُستمان گَل، گوں پَجارے کہ چہ بلوچ راجءِ هالتا، ءُ ملی ظلمءُ زوّراکیے کہ بلوچ سرا طوق اَنت ءُ روا دارهگ بئنت، ءُ بنا پہ چَمشانکی نظر دئیگ بہ وضعیت ءُ هالاتانےکہ ماں ایرانا،ءُ همےدابا هں انترنیشنل پیداگ بوتگنت، اُستمان گَل هں همراه ءُ هوّری گوں بین المللی جدءُجُهدءِ دیم برهگا،هں پہ تئوریکی زانتءِ بُرز برهگ ءُ جدءُجُهد کنوکانی یکجاگه کنئگءِ هاترا، وتی توجه ءُ دلگوشا بہ دَنت.

داں کہ اے داب یک سیاسی وهدی ئے، جدءُجهد ءُ مطالعهءِ کار، پہ سیاسی شعور دانشءُ زانتءِ گیشتر کنئگ ءُ بُرز برهگ هاترا، پہ بلوچ راجءِ قومی ملّی زرمبشءَ، وتی ذمه داری تکلیپا ادا بہ کنت.
ما را (بلوچ سیاسی ءُ حقوقی جدءُجُهدکاراں) ایمان پہ اِیشی هست اِنت، کہ بلوچ راجءِ سرمچارءُ سیاسی پیشگامانی مقاومت ءُ جدءُجُهد پہ ملّی راجی حاکمیت گِرهگا، مان وتی وهدا دیم پہ مهلوک مُچی (بسیج مردمی) جدءُجُهدا سر بیت، ءُ گوں مسالمت وریں جدءُجُهدءِ گِیش ءُ گسترش کنئگا، تیاری ءُ آمادگی، پہ بلوچ راجءِ حق حاکمیت گِرهگا، تیاریءُ آمادگی پہ وشی برجا بوت کئنت.

پہ چوشیں هدفءُ واهشتےءِ دیما برهگ هاترا، ءُ بہ توجه پہ بلوچستان اُستمان گَلِ کم ءُ محدودین سیاسی سازءُساماناں، پہ علنیءُعمومی جلسات برجادارگ، پہ دیمروی امرءُ قصد دیالوگ ءُ گپّءُتراں، گوں وت ماوتی بلوچی سیاسی جدءُجُهدکنوکانی فی مابینءَ، هں همےداب بحثءُجدل ءُ گپّءُتراں دیم پہ دیمی ءُ گوں تکنولوژی رسانه ئی، هنچو کہ، اینترنت ذریعه کارمرزکنئگ، اینترنتی مجازی جلسه برجادارگ، ءُ نبشتانک ءُ بولتن ءُ گاهنامه اڈ کنئگ ءُ شِنگ کنئگا، بلوچستان اُستمان گَل اِشاں وتی کارءِ دستورءُ تکلیپ بہ کنت.

ناصر بلیده ای بلوچستان اُستمان گَلءِ گپّ کنَوک، ماں پلنوم ماه اکتوبر سال 2010


ای نبشتانک پدا شنگ کنک بوتگ