بلوچستانءاستمانءگل

کِردان

بلوچستان پیپلز پارٹیءِ جہگیرءَ، برسلزءَ، گوں یوروپی یونینءِ انسٹیٹیوشنءَ گندءُ نند کُرتگ۔

اے گندءُ نندانی مزنیں سوتے ایش اَت کہ یوروپی پارلیمانءِ بازیں باسکءُ ایکسٹرنل ایکشن سروسءِ بازیں مردماں ہمے گپءِ سرا تپاک کت کہ گوں ایرانءَ بووکیں گپءُ ترانانی تہا انسانی حقانی جیڑہءَ گیشتر دلگوش کننت، خاص چہ 2015ءِ نیوکلئیر ڈیلءَ رَندءِ جاورانی پُژدَرءَ۔

اے هپتگءَ، 24ءُ 25 جنوری 2017ءَ "یو این پی او"ءَ پہ بلوچستان پیپلز پارٹیءِ جہگیر، یو این پی سرکماش اوءُ ایران راجانی کنگره په یک فدرالین ایران -ے "میان گیدیگ باسک کمیته باسک" (انٹرنیشنل کمیٹی اوف دی کانگریس فور اے فیڈرل ایرانءِ) ، واجہ ناصر بلیدیءَ گوں یورپی یونینءِ انسٹیٹیوشنءَ گندءُ جندانی انتزام کرتگ۔ اے دو روچءِ برنامہانی تہا واجہ بلیدی گوں یورپی یونینءِ پارلیمانءِ باسک، چو کہ گوں بانک کورنیلیا ارنسٹ، واجہ تونّے کیلام ءُ گوں یوروپین ایکسٹرنل ایکشن سروسءِ مردماں گندءُ نند کرتءُ یوروپین پارلیمانءِ مراگشءَ ہم بہر زرت کہ سرحال اَت، ایران، چہ نیوکلیئر ڈیلءَ رَندءِ جاورحال۔ 

اے گندءُ نندانی دورانءَ واجہ بلیدیءَ ایرانءِ تہا اقلیتی قومانی جاورحالءِ سرا مردم سرپدی دات اَنت، خاص ایران اسلامی سرکار زِراررودرآتکی ہنداں نندوکیں بلوچانی جاورءِ سرا حبرءُ حال ئِے کرت۔ آئیءَ ایرانءَ را فیدرال ملکے جوڑ کنگءِ سرا زور داتءُ انسانی حقانی دلپروشیں جاورحالءِ سرا حبر کرت۔


اے گندءُ نند سوت مند اتنت، خاص گوں یوروپی پارلیمانءِ ہما باسکاں نزیکیءَ را دوبر جوڑینگءِ واستا کہ گوں آہاں 2014ءَ ہم واجہ بلیدیءِ گندءُ نند بوتگ اتنت۔ آ وہدی واجہ بلیدی گوں سی این ایف آئیءِ وفدءَ ہوار اَت۔ اے بَری واجہ بلیدی گوں یوروپی پارلیمانءِ دگہ لہتے انچیں باسکءَ نزیکیءِ وَدی کنگا سوبین بوت کہ آ ماں ایرانءَ انسانی حقانی جاورحالءِ سرا دلگوش دئیگ لوٹنت۔ اے بَریگیں گندءُ نندانی مولءُ مراد گوستگیں گندءُ نندانءَ دیما برگءُ اے نزیکیءَ را، چہ یوروپی انسٹیٹیوشنانی نیمگا گیشءَ گیش دلجمیں کارےءِ نیمگا برگ اَت۔


اے گندءُ نندانی مزنیں سوتے ایش اَت کہ یوروپی پارلیمانءِ بازیں باسکءُ ایکسٹرنل ایکشن سروسءِ بازیں مردماں ہمے گپءِ سرا تپاک کت کہ گوں ایرانءَ بووکیں گپءُ ترانانی تہا انسانی حقانی جیڑہءَ گیشتر دلگوش کننت، خاص چہ 2015ءِ نیوکلئیر ڈیلءَ رَندءِ جاورانی پُژدَرءَ۔

 

په انگلیس سرهالءَ بچاریت:

http://unpo.org/article/19802